Oktyabr ayında Xerson vilayətinin işğalçı hakimiyyət orqanları 56 yaşlı tibb bacısı Tatyana Mudrenkonu Skadovsk məhkəməsinin qarşısında asıblar.
Qaynarinfo xəbər verir ki, bu barədə Financial Times (FT) onun əkiz bacısı Nataliya Çernaya istinadən
yazıb.
Şahidlərin sözlərinə görə, Mudrenko Rusiyanın işğalına qarşı çıxıb, buna görə rusiyapərəst hakimiyyət onu küçəyə sürükləyib və ictimaiyyət qarşısında edam edib. Bacısı deyib ki, müharibədən əvvəl Tatyana əlil uşaqlara kömək edirmiş, işğal zamanı isə qadın şəhərdə velosiped sürərərk təqaüdçülərə sistem qoyurmuş. Bacısının bacısının sözlərinə görə, Mudrenko öz mövqeyini açıq şəkildə ifadə edib və rus hərbçiləri ilə danışmağa çalışıb. Ən son insidentlərdən biri oktyabrın əvvəlində baş verib. O, Ukrayna polisini rus qoşunları ilə əməkdaşlıq etdiyinə görə tənqid edib və "Skadovsk Ukraynadır!” deyə qışqırıb.
Oktyabr ayında Mudrenko və onunla birgə yaşayan 60 yaşlı Anatoli Orexov rusiyayönlü polis əməkdaşları tərəfindən öz evindən oğurlanıb, cütlüyün evi qarət edilib, onların velosipedi və avtomobili götürülüb. Bir neçə gün onların harada olmasından heç kimin xəbəri olmayıb və oktyabrın 15-də yerli sakin qadının bacısına zəng edərək Mudrenkonun öldüyünü bildirib. Onun sözlərinə görə, tibb bacısını çölə çıxarıblar, "ağzına nəsə töküblər” və sonra məhkəmə binasının qarşısında asıblar. Orexov sınıq qolu və döyülmə əlamətləri ilə əsirlikdən azad edilib, ona Mudrenkonu dəfn etməyə icazə verilib, bundan sonra adam yoxa çıxıb və onunla əlaqə itib.
Çernaya bacısının ölümünü təsdiqləmək üçün yerli meyitxanaya zəng edəndə məmur əvvəlcə onunla danışmaqdan imtina edib. Nəticədə bacıya arayış göndərilib və orada Mudrenkonun ölümünün səbəbinin "mexaniki asfiksiya” (bədənə mexaniki faktorun təsirindən yaranan asfiksiya) olduğu göstərilib.
FT jurnalistləri Mudrenkonun ölüm haqqında şəhadətnaməsini, habelə yerli sakinlər və şahidlər arasında yazılan mesajları və müzakirələri öyrənərək Çernayanın versiyasını təsdiqləyiblər.
Çernayanın sözlərinə görə, ümumiyyətlə, Skadovsk sakinləri, o cümlədən özü və Mudrenko işğalın ilk günlərində etirazlarını bildirmək üçün küçələrə çıxıb, sosial şəbəkələrdə də öz fikirlərini bildiriblər. Rus əsgərləri camaata xəbərdarlıq atəşi və tüstü bombaları atmağa başlayandan sonra əhalinin etirazları dayanıb.
Nizami Bağırov
