Xorvatiyanın müxalif Sosial Demokrat Partiyasının namizədi
Zoran Milanoviç bazar günü keçirilən prezident seçkilərindən sonra liderdir,
bununla belə, səslərin 50%-dən çoxunu əldə edə bilməyib.
APA "TASS” agentliyinə istinadən xəbər verir ki, bu barədə
respublikanın Dövlət Seçki Komissiyasından məlumat verilib.
Seçki bülletenlərinin 96%-nin sayılmasının nəticələrinə görə,
Milanoviç 29,6% səs toplayıb. Onun arxasınca 26,77% səs toplayan ölkənin
hazırkı prezidenti Kolinda Qrabar-Kitaroviç gəlir. Üçüncü yeri müğənni və
musiqiçi Miroslav Şkoro tutur, seçicilərin 24,37%-i ona səs verib.
Namizədlərdən heç biri 50%-dən çox səs toplamayıb, bu da
seçkilərin ikinci turuna ehtiyac olduğunu göstərir.
5 yanvar 2020-ci ildə keçiriləcək ikinci turda, ilk seçki mərhələsinin
nəticələrinə görə, ən çox səs toplayan iki iddiaçı iştirak edəcək.
