Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Xoşbəxtliyin sirri həftədə 4 gün işləməkdə ola bilərmi?
Bazar ertəsindən cüməyə qədər olan klassik iş rejiminin əvəzinə yalnız 4 iş günü olan yeni bir modelin tətbiqi, insanların psixoloji və fiziki sağlamlığına müsbət təsir göstərə bilər. Bu barədə son araşdırmalar və təcrübələr daha çox məlumat verir.
Qaynarinfo xəbər verir ki, bir vaxtlar insanlar istirahət günləri xaricində həftədə 6 gün işləyirdilər. Zaman keçdikcə bu müddət 5 günə endirildi. Avropa ölkələrində isə həftəlik iş saatlarının 45-dən az olması üçün hüquqi tənzimləmələr tətbiq olunub.
İndi isə yeni bir yanaşma gündəmdədir: həftədə 4 iş günü. Bu modelin üstünlükləri sırasında daha yüksək iş məmnuniyyəti, daha sağlam bədən, yaxşılaşan ruhi vəziyyət, iş performansında artım, tükənmişlik sindromunda azalma, yuxu pozğunluqlarının və yorğunluğun azalması kimi nəticələr qeyd olunur.
Sənaye inqilabından bəri tətbiq olunan 5 günlük iş modeli artıq dəyişməyə başlayır. Bir çox təşkilat 4 günlük iş həftəsinin mümkünlüyünü nəzərdən keçirir. Bu, ya əlavə bir istirahət günü verməklə, ya da hər iş günündə iş saatını qısaltmaqla həyata keçirilə bilər.
Bu modelin effektivliyini yoxlamaq üçün Boston Kollecində çalışan sosioloqlar 6 ay davam edən bir təcrübə aparıblar. Təcrübədə Avstraliya, Kanada, Yeni Zelandiya, Böyük Britaniya, İrlandiya və ABŞ-da fəaliyyət göstərən 141 təşkilatdan 2.896 əməkdaş iştirak edib.
Təcrübə göstərir ki, həftədə 4 gün işləyən əməkdaşlar, 5 gün işləyənlərlə müqayisədə daha az tükənmişlik, daha çox iş məmnuniyyəti və yaxşılaşmış ruhi sağlamlıq hiss etdiklərini bildiriblər. Hətta iş həftəsini 1-4 və ya 5-7 saat azaldan şəxslər belə fayda gördüyünü bildirib: yuxu problemləri azalıb, yorğunluq səviyyəsi enib və fərdi iş bacarıqları inkişaf edib.
Bundan cəmi 15 il əvvəl ev-ofis (remote work) sistemi belə ciddi müqavimətlə qarşılanırdı və bir çox şirkət bu modelə qəti şəkildə qarşı çıxırdı. Lakin zaman göstərdi ki, şirkətlər məsafədən işləməklə də fəaliyyətlərini uğurla davam etdirə bilirlər. İndi isə süni intellektin inkişaf etdiyi və işsizlik risklərinin artdığı bir dünyada, 4 günlük iş həftəsi modelinin yaxın gələcəkdə reallaşması artıq təəccüblü görünmür.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər