Yamaykalı idmançılar niyə güclü və daha sürətli olur? - Üç səbəb

Qaynarinfo bununla bağlı araşdırmanı təqdim edir: 

 

Bədəndə anjiotenzini çevirən ferment, "ACE geni” adlanan bir gen, bunun da "D allele" kimi tanınan variantı mövcuddur. Bu, yüksək oksigenli qanı əzələlərə daha sürətli vurmağa imkan verir. Həmin gen Qərbi Afrikadakı insanlarda digərlərinə nisbətən daha çox yayılıb. Yamaykalılarda isə bu gen daha çoxdur. Beynəlxalq qul ticarəti dövründə Afrikadan zorla çıxarılan insanların təxminən 10 milyonu ölmüşdü. Karib dənizindəki qul gəmilərinin son dayanacağı Yamayka idi. Yəni bura çata bilən insanlar ən güclü hesab olunurdular.

 

Bununla yanaşı, "ACE” genini daha da gücləndirən "ACTN3” (Alpha-actinin-3) geni də mövcuddur. Hansı ki, əzələlərdə "alfa-aktinin-3” adlı zülal yaradır. Bu da əzələlərin güclü və təkrarlanan sıxılmalarına kömək edir. "ACE” geni kimi, onun növləri var və bunlardan bir sprinter üçün ən ideal olanı "577rr” adlanan variantdır. "577rr” variantına ABŞ idmançılarının 70%-də rast gəlinir (Onu da nəzərə alaq ki, bu insanlar 300 milyonluq ölkədə müstəsna şəkildə təşkil olunublar). Lakin yamaykalıların 75%-i "577rr” geninə sahibdir. Söhbət təkcə idmançılardan deyil, ümumilikdə yamaykalıların 75 faizindən gedir.

 

 

Digər səbəb: Yamayka torpağında çoxlu alüminium var. Onların dediyinə görə, hamiləliyin ilk üç ayında alüminiumla zəngin qidaların qəbulu körpədə tez bükülən, elastik əzələlərin sayını artıra bilər. Məşhur yamaykalı atletlər Useyn Bolt və Veronika Kempbell də məhz alüminium mədənlərinin bol olduğu bölgədə doğulub böyüyüblər.