Yaponiya Ukraynaya 5,5 milyard dollar yardım göndərəcək.
Qaynarinfo lenta.ru-ya istinadən xəbər verir ki, bu barədə baş nazir Fumio Kişida dördüncü illik Tokio Qlobal Dialoq Forumunun açılışında çıxışı zamanı
bildirib.
"Biz Ukraynaya 5,5 milyard dollar məbləğində əlavə maliyyə yardımı göndərəcəyik”, deyə baş nazir söz verib. O, həmçinin xatırladıb ki, Yaponiya hökuməti son bir ildə Ukraynanı və Ukrayna xalqını dəstəkləyib.
Kişida əmin edib ki, Tokio beynəlxalq ictimaiyyətlə birlikdə Kiyevə hərtərəfli dəstəyi davam etdirəcək.
Bundan əlavə, Yaponiyanın baş naziri Ukrayna prezidenti Volodimir Zelenskini fevralın 24-də G7 ölkələri liderlərinin onlayn görüşünə dəvət etmək qərarını açıqlayıb. Danışıqlarda tərəflər digər məsələlərlə yanaşı, Rusiyaya qarşı sanksiya təzyiqləri ilə bağlı mövqelərini müzakirə etməyi və əlaqələndirməyi planlaşdırır.
Nizami Bağırov
