Ermənistanda və Gürcüstanda yerli yezidi kürdlər İraqdakı vəziyyətlə bağlı bu gün - avqustun 13-də İrəvan və Tiflisdə yürüşlər keçirəcək.
Nümayişlərdə İraqdakı yezidi kürdlərə dəstək veriləcək.
İraqda Sincar dağına qaçan minlərlə yezidi kürdün ərzaq və suyu çatışmır. "İraq və Şam İslam Dövləti" (İŞİD, indi "İslam Dövləti" adlanır-red.) yaraqlıları onlara İslamı qəbul etməyi ya da ölməyi təklif edir.
İrəvanda yezidi kürdlər Ermənistanın baş nazirinin müavini Armen Gevorgyanla görüşüb. O, İraqda Sincar dağına sılğınan yezidi kürdlərə Ermənistanın maliyyə yardımı göstərdiyini təkrar edib. Ermənistan yezidi kürdlərə 50 min dollar yardım ayırıb.
Yezidi kürdlər Ermənistan hökumətindən xahiş ediblər ki, İraqda "İslam Dövləti" yaraqlılarının yezidi kürdlərə hücumunu soyqırım adlandırsın.
Yezidi kürdlər xahiş ediblər ki, Ermənistana gəlib sığınacaq almaq istəyən yezidi kürdlərə viza verilsin.
Ermənistanda 40 min yezidi kürd yaşayır. Gürcüstanda yezidi kürdlərin sayı 20 mindir.
azadlig.org
