Ukrayna Silahlı Qüvvələrinin Ali Baş Komandanı Valeri Zalujnı Rusiya Federasiyasına qarşı müharibə aparmağa yanaşmalarda mühüm dəyişikliklərə baxışını ifadə edib. General əmindir ki, "bizim ən mühüm vəzifəmiz qələbəyə nail olmaq üçün Müdafiə Qüvvələrindən istifadənin forma və üsullarına dair yeni nöqteyi-nəzəri qəbul etmək olacaq”.

Qaynarinfo xəbər verir ki, bu barədə onun CNN-ə yazdığı məqalədə bildirilir. Onun sözlərinə görə, qoşunların tətbiqi strategiyasının, üsul və formalarının dəyişdirilməsinin əsas səbəbi hərbi texnikanın və silahların, xüsusilə də pilotsuz sistemlərin inkişafıdır ki, onlardan istifadə geniş vüsət alıb və onlara geniş spektrli tapşırıqları yerinə yetirməyə imkan verir.

"Buna görə də pilotsuz sistemlər digər yeni silah növləri ilə yanaşı, bir sıra səbəblərə görə Ukrayna üçün vaxtında sərfəli olmayan mövqeli hərbi əməliyyatlardan çıxmaq üçün bəlkə də yeganə vasitədir”, - o vurğulayıb.

Generalın fikrincə, üstünlük qazanmağın bəlkə də əsas variantı sürətlə inkişaf edən ən son, son dərəcə effektiv və nisbətən ucuz vasitələrin bütün arsenalını mənimsəməkdir. "Bu, elmi-texniki, texnoloji və taktiki döyüşdə qalib gəlməyimizə imkan verəcək və təkcə qeyd-şərtsiz qələbəyə deyil, həm də Ukrayna və tərəfdaşlarımız tərəfindən ehtiyatların qorunmasında qənaətə gətirib çıxaracaq ən son texnologiyaların inkişafında əldə olunan tərəqqinin nailiyyətlərindən istifadə etmək cəhdidir”, - Zalujnı hesab edir.

Ukrayna Ordusunun Ali Baş Komandanı əlavə edib ki, artıq bu əməliyyatlar mənimsənilir və inkişaf etdirilir:

logistika;

rəqəmsal sahənin yaradılması;

kiber aktivlər və birləşmiş hücum dronları;

radioelektron vəziyyətin monitorinqi.

"...Onlar vahid konsepsiya və plan üzrə həyata keçirilir, əlaqələndirilir və bir-biri ilə bağlıdır, lakin məzmunca fərqlənir”, - məqalədə qeyd olunur.

Zalujnın sözlərinə görə, bu il Ukrayna tərəfi əsas səylərini, xüsusən də əsgərlərin yüksək texnoloji avadanlıqlarla təmin edilməsi sisteminin yaradılmasına yönəltməlidir.

Bundan əvvəl bir sıra KİV-lər prezident Vladimir Zelenskinin Valeri Zalujnını Ukrayna Silahlı Qüvvələrinin Ali Baş Komandanı vəzifəsindən azad etmək qərarına gəldiyi barədə məlumat yayıb. Tezliklə bu məlumat təkzib olunub.

Zalujnının "The Economist” qəzetindəki qalmaqallı məqaləsindən sonra prezidentlə baş komandan arasına "qara pişik” keçdiyi barədə şayiələr yayılıb. Materialda o, Ukraynadakı müharibənin mövqe qarşıdurmasına çevrildiyini və bunun Rusiya Federasiyası üçün faydalı olduğunu iddia edib.

Prezident Aparatı rəhbərinin müavini İqor Jovkva Zalujnının məqaləsini tənqid edib - o, deyib ki, hərbçilər mətbuat üçün cəbhədəki vəziyyəti şərh etməməli və vəziyyətə müəyyən qiymətlər verməməlidirlər, çünki bu, düşmənin işini asanlaşdırır.

Alpər