Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
24 gözü olan ən ölümcül dəniz canlısı - İldə 100 insan öldürə bilər
Amerikalı bioloq Skott Trevers dünyanın ən təhlükəli dəniz canlısının qutu meduza olduğunu açıqlayıb.
Qaynarinfo xəbər verir ki, onun sözlərinə görə, bu məxluqun şəffaflığı və güclü zəhəri onu okeanın ən ölümcül sakini edir.
Trevers bildirib ki, qutu meduzanın zəngvari bədəni nazik və demək olar görünməzdir. Onun eni 30 santimetrə qədər çata bilər, hər küncündən isə üç metr uzunluğunda incə, şüşə kimi şəffaf toxunacaqlar uzanır.
Adətən insanlar üçün ən böyük təhlükə akulalar hesab edilir. Lakin akulalar ildə 50-dən az insana hücum edir və onların yalnız 5-6-sı ölümlə nəticələnir. Qutu meduza isə ildə təxminən 100 nəfərin ölümünə səbəb ola bilir.
Bioloqa görə, bu canlı iki əsas üstünlüyə malikdir:
1.Şəffaflıq. Onları hətta ən təmiz sularda belə görmək çox çətindir. İnsanlar onlara bir neçə santimetr yaxın üzə bilərlər, lakin toxunana qədər varlıqlarından xəbərsiz qalırlar.
2.Zəhər. Onların hər bir toxunacağı minlərlə mikroskopik nematosistlə silahlanıb. Toxunuş zamanı bu strukturlar saniyənin parçasında dəriyə girir və zəhəri orqanizmə buraxır.
2015-ci ildə "BMC Genomics" jurnalında dərc olunan araşdırmaya əsasən, qutu meduzaların zəhəri insan bədənində dəhşətli simptomlar yaradır:
*dərhal başlayan güclü ağrı və şişkinlik,
*dərinin zədələnməsi və çapıqlar,
*nəfəs darlığı,
*qan təzyiqində təhlükəli dəyişikliklər,
*ürək fəaliyyətinin pozulması, hətta dayanması.
Ən təhlükəli növ - "Chironex fleckeri" - az miqdarda təmasda belə insana dözülməz ağrı və həyati təhlükə yaradır.
"Current Biology" jurnalında qeyd olunub ki, qutu meduzanın 24 gözü var. Onlar dörd qrupda toplanaraq zəngin ətrafında yerləşir. Bu gözlərin bir hissəsi sadəcə işıq və qaranlığı ayırd edə bilir, lakin linzalı gözləri onlara suyun səthini, ovun kölgəsini və ətrafdakı obyektlərin formasını görməyə imkan verir.
Trevers əlavə edib ki, hətta müşahidələr zamanı qutu meduzaların maneələrin ətrafından üzərək keçdiyi müəyyən edilib. Bu qabiliyyət onları digər meduzalardan fərqləndirir və daha da təhlükəli edir.
Aydın
Oxşar xəbərlər
Trampın planı həyata keçəcək? - Ekspert
Dünya
30.09.2025
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər