Kaliforniyada 8 milyon dollar dəyərində kosmetika oğurlamaqda şübhəli bilinən qadın saxlanılıb.
Qaynarinfo xəbər verir ki, bu barədə "Complex"
yazıb.
Məlumata görə, Mişel Mak öz evində həbs edilib. İstintaqın məlumatına görə, o, 12 şəriki ilə birlikdə mağazalardan təxminən 8 milyon dollar dəyərində kosmetika oğurlayıb. Amerikalı qadın bu malları müxtəlif ticarət platformalarında ucuz qiymətə satıb.
Polis tərəfindən müsadirə edilən oğurlanmış mallar Mişelin qarajında tapılıb. Qadın, əri və digər şərikləri oğurluq etmək üçün sui-qəsd də daxil olmaqla ümumilikdə 140-a yaxın ittihamla üzləşirlər.
"Onlar bu cinayət sxemi ilə milyonlarla dollar qazana bildilər", deyə polis bildirib.
Bütün təqsirləndirilən şəxslər özlərini təqsirli bilməyiblər və qanuna zidd heç nə etmədiklərinə əmindirlər.
Aydın
