ABŞ-da 90 yaşlı Texas sakini fənlərarası tədqiqatlar üzrə magistr dərəcəsi alıb.
Qaynarinfo Upi.com-a istinadən xəbər verir ki, 1950-ci ildə orta məktəbi bitirən Minni Payne adlı qadın qısa müddət ərzində kollecdə oxuduğunu və sonra oranı tərk etdiyini deyib. Qadın 68 yaşında təqaüdə çıxdıqdan sonra təhsilini davam etdirmək istəyib.
Minni Payne Texas Qadın Universitetində oxuyub və burada 3 jurnalistika kursu keçib.
"Mən həmişə sözlərlə işləmişəm və yazmağı sevmişəm. Daha yaxşı olmaq istəyirdim", deyə amerikalı qadın bildirib.
Minni Payne ali təhsil diplomu alıb, lakin bu onun üçün kifayət etməyib. O, 90 yaşında fənlərarası tədqiqatlar üzrə magistr dərəcəsini tamamlayıb.
"Biz ömür boyu öyrənin terminindən istifadə edirik, lakin Minni Payne bunu həqiqətən nümayiş etdirir. Onun əzmkarlığı təsir edicidir. minni Paynenin bu diplomu əldə etmək məqsədi var idi", deyə universitetdən bildirilib.
Buna baxmayaraq, qadın təhsilini tam hesab etmədiyini bildirib: "Mən öyrənməyə davam etmək istəyirəm".
Aydın
