Vaşinqton bir aydan sonra Rusiya Federasiyasında konsulluq xidmətləri göstərməyəcək.
Qaynarinfo bildirir ki, bu barədə yaxınlarda Moskvaya dönmüş səfir Con Sallivan "Dojd” telekanalına məlumat verib.
Onun sözlərinə görə, ABŞ-da kadr çatışmazlığı var. ABŞ-ın Rusiya Federasiyasını "dost olmayan" ölkələr siyahısına daxil edilməsi səbəbindən konsulluq işçilərinin sayı azaldılıb.
"1 avqustdan sonra burada çox az adam işləyəcək, bu səbəbdən də bildiyim kimi, həm amerikalıların, həm də rusların bu qədər ehtiyac duyduğu konsulluq xidmətləri göstərə bilməyəcəyik", - Sallivan deyib. Konsulluq xidmətlərinin hər hansı bir sayda viza müraciətini icra edə bilməyəcəyindən təəssüfləndiyini əlavə edib.
Səfir deyib ki, vəziyyət, "ikitərəfli münasibətlərdə" sadəcə bir maneə deyil", eyni zamanda bir çox ailələr və biznes üçün ciddi nəticələrə səbəb olacaq.
24 iyun tarixində Rusiya səfiri Anatoli Antonovun Vaşinqtona qayıtmasından sonra Sallivan Moskvaya - iki aydır ayrıldığı vəzifə yerinə qayıdıb. İki ölkə arasında diplomatik münasibətlərin pisləşməsi səbəbindən səfirlər vətənlərinə qayıtmaq məcburiyyətində qalıblar. Rusiya hakimiyyəti aprel ayında da 10 ABŞ diplomatının qovulduğunu elan edib və ABŞ konsulluqlarına rusları işə götürməyi qadağan edib.
16 iyunda Cenevrə zirvəsində prezidentlər Co Bayden və Vladimir Putin arasında əldə olunan razılaşmalar sayəsində bu diplomatik qarşıdurma aradan qaldırılıb.
Alpər
