Filippində balıqçıların ovladıqları akulanın qarnında insan başı və qıçı çıxıb. Qaynar.info xəbər verir ki, sözügedən akula Mindanao və Bohol adaları arasındakı Bohol dənizində ovlanıb.
48 yaşlı balıqçı Bodoy yerli mətbuata açıqlamasında bunları deyib: "İnsan parçalarının bizim üçün bədliyə səbəb olacağını düşünərək həm onları, həm də akulanı dənizə atmaq istədik. Amma sonra insan parçalarının hansısa itkin bir şəxsə aid ola biləcəyini düşünərək onları polisə təqdim etdik. Akulanı isə dənizə atdıq".
Məlumata görə, bu ərazilərdəki akulalar 4 metr uzunluğunda və 600 kq ağırlığında olur. Onları dərisi, əti və qaraciyəri üçün ovlayırlar.
Qaynar.info
