Almaniyada bu gün keçirilən parlament seçkilərində maraqlı hadisə yaşanıb.
"Qaynarinfo" xarici mediaya istinadən xəbər verir ki, Bundestaq üzvlərini müəyyənləşdirmək üçün keçirilən seçkilərdə türkəsilli seçicilərdən biri seçki bülleteninə Türkiyə prezidenti Rəcəb Tayyib Ərdoğanın adını qeyd edib və "Səsim heçə getdi, lakin bülletenin şəklini çəkdim, divarıma asacam. Türkiyəyə dost münasibət göstərən partiya tapa bilmədim. Almanlar Türkiyənin dost ölkə olduğunu qəbul edənə qədər mövqeyimi dəyişməyəcəm" deyib.
Digər bir seçici isə "Qalatasaray"ın fransız futbolçusu Bafetimbi Qomisin adını siyahıya əlavə edib və ona səs verib.
Gülşən
Qaynarinfo.Az
