Albaniya yığmasının heyətində Fransada keçirilən Avropa çempionatının final mərhələsində çıxış etmiş Ansi Aqolli “Qarabağ”ın Avstriyada davam edən təlim-məşq toplanışına qatılıb.
Qaynarinfo.az xəbər verir ki, o, bugündən komandasının məşqlərində iştirak edəcək.
Aqolli Avro-2016-da Albaniya millisi ilə 3 matçda (son 2 oyunda kapitan kimi) meydanda olub. Onun yığması qrup mərhələsində 3 xalla III yerdə qərarlaşsa da, 1/8 finala vəsiqə qazana bilməyib.
Qeyd edək ki, Ansi Aqolli Azərbaycan çempionatları tarixində belə mötəbər turnirdə iştirak edən ilk futbolçu olub.
Qaynarinfo.az
