Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Avropanın döyüş təyyarəsi layihəsində yollar ayrılır? - Merz mesaj verdi
Almaniyanın kansleri Friedrix Merz Berlin hökumətinin Fransayla birgə həyata keçirdiyi yeni nəsil döyüş təyyarəsi layihəsindən çıxmaq ehtimalının siqnalını verib.
Qaynarinfo-nun məlumatına görə, Merz bildirib ki, Fransa nüvə silahı daşıya bilən və təyyarə daşıyan gəmilərdən əməliyyat apara bilən bir platforma hədəfləyir: "Bu, Alman ordusunun hazırda ehtiyacı olan bir şey deyil".
Bu açıqlama 2017-ci ildə başlanmış FCAS layihəsinin gələcəyi barədə suallar yaradıb.
"İndi sual budur: Bu iki fərqli tələblər profili üçün iki ayrı təyyarəmi, yoxsa yalnız bir təyyarəmi hazırlaya biləcək güc və iradəyə sahibik?", deyə o qeyd edib.
Layihə Fransanın "Rafale" döyüş təyyarələri ilə Almaniya və İspaniyanın "Eurofighter" donanmalarının 2040-cı ilə qədər yerini alacaq yeni nəsil bir sistem yaratmağı hədəfləyir. Əvvəllər Merz FCAS layihəsinin gələcəyi ilə bağlı qərarın ötən ilin sonuna qədər veriləcəyini bildirmişdi. Lakin yekun qərar təxirə salınıb. Paris hökuməti isə layihənin həyata keçirilməsinin mümkünlüyünü qoruduğunu bildirir.
Fransa, Almaniya və İspaniyanın birgə həyata keçirdiyi "Future Combat Air System" (FCAS) layihəsi ABŞ, Çin və Rusiyanın ən yeni modelləri ilə rəqabət edə biləcək altıncı nəsil döyüş təyyarəsi hazırlamağı məqsəd qoymuşdu. Lakin layihədə müdafiə nəhəngləri "Airbus" və "Dassault Aviation" arasında liderlik və iş paylaşımı ilə bağlı mübahisələr baş verib.
"The Wall Street Journal" qəzetində yer alan məlumatlara görə, Alman siyasətçilər və ittifaqlar Parisin "məcburedici" mövqeyindən narazıdırlar. Almaniya müdafiə naziri Boris Pistorius isə keçən həftə deyib: "Layihənin ləğv edilməsi dünyanın sonu deyil".
Xəbərdə müdafiə və ordular arasında ortaq standartların olmamasına Ukrayna nümunəsi ilə diqqət çəkilib. Avropa ölkələri Ukraynaya eyni kalibrli (155 mm) mərmi istifadə edən 11 fərqli haubitsa tipini təmin edib.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər