Bu il Danimarkanın paytaxtı Kopenhagendə keçiriləcək “Avroviziya 2014” mahnı müsabiqəsində yarımfinalçıların çıxış ardıcıllığı müəyyənləşib.
“Media forum” saytı xəbər verir ki, müsabiqədə iştirakını təsdiqləyən 37 ölkədən 13-ü təmsilçisini müəyyənləşdirib. Albaniya Hertsiana Matmuya, Avstriya Konçita Vurst, Belarus Yuri Vaşçuk (Teo), Ermənistan Aram Sərkisyan, Finlandiya “Softengine” qrupu, İsrail Mey Feynqold, İsveçrə Sebalter, İtaliya Emma Marrone, Makedoniya Tiyana Dapçeviç, Monteneqro Sergey Çetkoviç, Niderland İlze Delanj və Ueylona dueti, San Marino Valentina Monetta, Ukrayna Mariya Yaremçukla təmsil olunacaq.
Birinci yarımfinal mayın 6-da, ikinci yarımfinal mayın 8-də, final mayın 10-da keçiriləcək.
Birinci yarımfinalda çıxış edəcək ölkələrin ardıcıllığı:
Birinci hissə:
Albaniya
Azərbaycan
Ermənistan
Estoniya
İslandiya
İsveç
Latviya
Rusiya.
İkinci hissə:
Belçika
Macarıstan
Moldova
Monteneqro
Niderland
Portuqaliya
San Marino
Ukrayna.
İkinci yarımfinalda çıxış edəcək ölkələrin ardıcıllığı:
Birinci hissə:
Avstriya
Gürcüstan
İsrail
Litva
Malta
Norveç
Polşa.
İkinci hissə:
Belarus
Finlandiya
İrlandiya
İsveçrə
Makedoniya
Rumıniya
Sloveniya
Yunanıstan.
Birbaşa finalda iştirak edəcək Danimarka, Fransa və İspaniya birinci yarımfinalda, Almaniya, Böyük Britaniya və İtaliya isə ikinci yarımfinalda səs verə biləcək.
Qaynar.info
