Türkiyədə yaşayan azərbaycanlı müğənni Günel Zeynalovanın nişanlanması xəbəri dolaşır.
Qaynar.info primetime.az-a istinadən xəbər verir ki, Günel türk vətəndaşı ilə ciddi münasibət yaşayır. Bu münasibət isə nikah masasına qədər gedib çıxa bilər. Günel 233 min izləyici olan rəsmi "Instagram" səhifəsində ara-sıra sevgi dolu paylaşımlar edir.
Şəkillərdən göründüyü kimi, Günelin ciddi münasibətdə olduğu bəyin adı "O" hərfi ilə başlayır. Məsələni dəqiqləşdirmək üçün Günellə əlaqə saxladıq. İfaçı bu xəbəri bir cümləsi ilə şərh etdi: "Nişan olsa, hər kəsin xəbəri olacaq".
Onu da vurğulayaq ki, Günel daha öncə nişanlı olub.
Qaynar.info
