Pekin universitetinin nəzdindəki Onkologiya institutu hər kəsi şok edən elan dərc edib.
Milli.Az Rusiya mətbuatına istinadən bildirir ki, xəstəxanaya 100 qan donoru lazımdır. Yalnız bir şərtlə. Həmin donorlar 18-24 yaşlar arasında bakirə qızlar olmalıdırlar.
Bu cür elan Çin ictimaiyyətində kəskin etirazlara səbəb olsa da, xəstəxananın mətbuat katibi bildirib ki, xəstəxana əməkdaşları heç bir mistik rituallar həyata keçirməyi planlaşdırmır. Xəstəxanada papillomavirus təhqiqatları aparılır. Bu virus isə yalnız cinsi yolla keçir. Heç vaxt intim münasibətlərdə olmayan qızların bu virusa yoluxma ehtimalları olduqca aşağıdır. Bu səbəbdən də tədqiqatçılar bakirə qızların qanına maraq göstərirlər.
Hazırkı vaxta qədər 50 nəfər qız uşağı donor qismində layihədə iştirak ediblər.
Qaynar.info
