Rusiyanın Volqoqrad vilayət məhkəməsi toy gecəsi öz həyat yoldaşını yandıran 31 yaşlı İvan Kuzmini 13 il azadlıqdan məhrum edib.
Anspress-in məlumatına görə, İvan özünü günahkar hesab etməyərək gənc həyat yoldaşını qorxutmaq istədiyini bildirib.
İvan Kuzmin qısqanclıq zəminində spirt ilə gənc həyat yoldaşını yandırıb. Buna səbəb Veronika Filippovanın ərinə toy gecəsi sevgilisi ilə onu aldatdığını etiraf etməsi olub.
Qadın bədəninin 80 faiz yanıb və xəstəxanaya çatdırılıb. Bir neçə saat həkimlər onun həyatı üçün mübarizə aparsa da onu xilas etmək mümkün olmayıb.
