"Boeing" qəza qurbanlarına 100 milyon dollar ödəyəcək

Ötən ilin oktyabr ayında İndoneziyada və bu ilin mart ayında Efiopiyada baş verən "Boeing MAX 7" qəzalarının qurbanlarının yaxınlarına 100 milyon dollar kompensasiya ödəniləcək.

Qaynarinfo xəbər verir ki, məbləğ şirkət tərəfindən təxminən 346 nəfərə veriləcək. 

Bu barədə şirkətin baş icraçı direktoru Dennis Mulenburq məlumat verib və qurbanların ailələrindən bir daha üzr istəyib.

Qeyd edək ki, hər iki qəzanın səbəbi "Boeing MAX 7" modellərində yaranan texniki problem olub.