ABŞ-ın Boston şəhərində törədilən terror aksiyasında günahlandırılan çeçen qardaşların əmisi Ruslan Çarnayevin Mərkəzi Kəşfiyyat İdarəsinin (CİA) keçmiş rəhbəri Qrehem Fullerin yeznəsi olduğu üzə çıxıb.
Qaynar.info-nun məlumatına görə, Ruslan Çarnayev Samanta Ankara Fullerlə bir vaxtlar evli olub, lakin cütlük sonradan boşanıb.
Qızının Ruslanla 90-cı illərdə evli olduğunu təsdiq edən Fuller onların evli olduğu vaxtda CİA-da işləmədiyini deyib: "Samanta Ruslan Çarnayevlə 3-4 il evli oldu. Samanta ilə Bişkekdə bir il birlikdə yaşadılar. Bizim Merilenddəki evimizdə də təxminən 1 il qaldılar. Onlar 1999-cu ildə boşandılar. Bütün çeçenlər kimi öz ölkəsini sevirdi, amma siyasətə qarışdığını görmədim. İngilis dilini də yaxşı bilmirdi, onunla rus dilində danışırdıq. Onun kəşfiyyat baxımından önəmli olduğunu düşünmədim".
Qaynar.info
