Vladimir Putin gücünü nümayiş etdirmək üçün cəbhə xəttindən 100 mil aralıda yerləşən Rostov Cənub Hərbi Dairəsinin qərargahına gözlənilməz səfər edib.
Qaynarinfo
xəbər verir ki, bu barədə "Avropa həqiqəti” Britaniya Müdafiə Nazirliyinin kəşfiyyat hesabatına istinadən yazıb.
Putinin yüksək rütbəli zabitlərlə, o cümlədən Rusiya Federasiyasının Baş Qərargah rəisi, "Ukraynada əməliyyata komandanlıq etməyə davam edən” general Valeri Gerasimovla görüş keçirdiyi bildirilir.
İyun ayında Ukraynada müharibəyə rəhbərlik edən Rostovdakı qərargahın "Vaqner” qrupu tərəfindən ələ keçirilməsini xatırladan agentlik ehtimal edir ki, Rusiya prezidenti çox güman ki, "qüdrətini nümayiş etdirmək və yüksək hərbi komandanlığın həmişəki kimi fəaliyyət göstərdiyini göstərmək istəyir".
Qeyd edək ki, avqustun 19-da Rusiya mətbuatı Rusiya prezidenti Vladimir Putinin Rostov-Donda işğalçıların Ukrayna ərazisindəki döyüşlərə nəzarət etdiyi hərbi qərargahda görüş keçirdiyini iddia edib.
Alpər
