Millimizin baş məşqçisi Canni De Byazi "milliləşdirmək" istədiyi futbolçunun adını açıqlayıb.
Qaynarinfo xəbər verir ki, AFFA ilə müqaviləsi 2022-ci ilin noyabrınadək uzadılan mütəxəssis bu haqda İtaliya mətbuatına açıqlamasında bildirib.
Müxtəlif vaxtlarda ölkəsində "Torino"nu çalışdırmış De Byazi bu klubun heyətində çıxış edən braziliyalı Qleyson Bremeri millimizdə görmək istədiyini bildirib:
"Belə futbolçuların sayları çoxdur. Mən isə Qleyson Bremer deyirəm. O, məhsuldarlığına görə A Seriyasının ən yaxşı müdafiəçilərindəndir. Əla zərbələri var, liderdir və qol vurmağı bacarır. Mükəmməl oyunçudur".
Bremer 2018-ci ildən "Torino"da çıxış edir. 24 yaşlı oyunçu ölkəsinin əsas və aşağı yaş qruplarından ibarət yığmalarına dəvət almayıb.
Səbuhi Həsənov
