Dekabrın 26-dan 27-dək Sankt-Peterburqda MDB dövlət başçılarının qeyri-rəsmi görüşü keçiriləcək.
Qaynarinfo xəbər verir ki, bu barədə Birliyin icraçı katibi Sergey Lebedev məlumat
verib.
"Gələn həftə Sankt-Peterburqda MDB dövlət başçılarının eyni dərəcədə vacib, qeyri-rəsmi görüşü olacaq. Rusiya prezidentinin dəvəti ilə bu görüş dekabrın 26-27-də baş tutacaq. Ümid edirik ki, bu, əməkdaşlığımıza əlavə təkan verəcək”, - deyə Lebedev bildirib.
MDB ölkələri liderlərinin görüşünün elanını dekabrın 9-da Rusiya prezidenti Vladimir Putin edib. Rusiya prezidenti sammitin dəqiq tarixini açıqlamasa da, onun Yeni ildən əvvəl Sankt-Peterburqda keçiriləcəyini dəqiqləşdirib.
MDB dövlət başçılarının qeyri-rəsmi görüş çərçivəsində Sankt-Peterburqa sonuncu səfəri oktyabrın 7-də, Vladimir Putinin doğum günündə baş tutub. Həmin vaxt qeyri-rəsmi sammitdə Azərbaycan Prezidenti İlham Əliyev, Ermənistanın Baş naziri Nikol Paşinyan, Belarus Prezidenti Aleksandr Lukaşenko, Qazaxıstan Prezidenti Kasım-Comart Tokayev, Tacikistan Prezidenti Emoməli Rəhmon, Türkmənistan Prezidenti Sərdan Berdıməhəmmədov və Özbəkistan Prezidenti Şavkat Mirziyoyev iştirak ediblər.
Nizami Bağırov
Şərhlər