Qvatemalada anadangəlmə kar olan 7 yaşlı Jenri Rivyera adlı uşağın həyat hekayəsi bütün dünyanı ağladıb.
Qaynar.info xəbər verir ki, 3 il əvvəl Qvatemalata humanitar yardım üçün gedən Erin Van Oort Jenrinin həyatını tamamilə dəyişdirib.
Gənc qadın Jenrini Amerikaya apararaq müalicə etdirib: "İspancam pis deyildi, amma onunla danışanda məni anlamadığımı düşündüm. Ətrafdakılardan
soruşanda uşağın eçitmədiyini öyrəndim. Bundan sonra onu Amerikaya aparmaq qərarına gəldim".
Viza və 40 min dollarlıq müalicə xərclərini üzərinə götürən humanitar təşkilat uşağın eşitməsi üçün ona qoyulan implantı aktivləşdirib.
Qulaqlarının eşitməsi ilə əlini stola vurub çıxardığı səsə təəccüblənən uşağın sevinci bununla da bitməyib. "Skype" vasitəsilə Qvatemaladakı ailəsinin səsini eşidən uşağın göz yaşları hər kəsi ağladıb.
Qaynar.info
