Avropa
ölkələrindən, eləcə də Avstraliya və Şri Lankadan olan 60-dan çox həkim İngiltərənin
Daxili İşlər naziri Priti Patelə məktub göndərərək, WikiLeaks saytının təsisçisi
Culian Assancın səhhətindən ciddi narahat olduqlarını bildirib.
Qaynarinfo
mk.ru-ya istinadən xəbər verir ki, həkimlər 2020-ci il fevral ayında mühakimə
olunacaq Assancın səhhətindəki narahatlıq üzündən hakim qarşısına çıxa bilməyəcəyini
deyib.
Həkimlər
Assancın təcili tibbi yardım almadığı təqdirdə məhkəmədən əvvəl həbsxanada ölə
biləcəyi ilə bağlı xəbərdarlıq edərək, onun həbsxanadan universitet klinikasına
köçürülməsi üçün çağırış edib.
Xatırladaq
ki, bundan əvvəl Assancın atası Con Şipton bənzər bir açıqlama verərək, oğlunun
ölüm riskinin olduğunu bildirib.
