Əfqanıstanın şimalında təhlükəsizlik qüvvələri ilə "Taliban" döyüşçüləri arasında baş vermiş silahlı toqquşmada 6 "talibançı" öldürülüb.
"Report" xarici mətbuata istinadən xəbər verir ki, toqquşma "talibançı"ların polis bölməsinə hücumundan sonra yaranıb.
Döyüş zamanı 10 "talibançı" və təhlükəsizlik qüvvələrinin 5 əməkdaşı yaralanıb. Yaralananlardan birinin Özbəkistan vətəndaşı olduğu bildirilir.
"Taliban" isə döyüş nəticəsində bir polis əməkdaşının öldürüldüyünü, 3 silahlının yaralandığını açıqlayıb.
Qaynarinfo.az
