Əfqanıstanda hakimiyyətə gələn radikal "Taliban” hərəkatının tərəfdarları xanım müəllimlərin və ibtidai siniflərdə oxuyan qız şagirdlərin məktəblərə buraxılmaması barədə göstəriş verib.
Qaynarinfo xəbər verir ki, bu barədə
TASS "Hasht e Subh” qəzetinə istinadən məlumat
yayıb.
Qeyd olunur ki, Kabildəki bir neçə məktəbin rəhbərliyi xanım işçilərə xəbərdarlıq göndərərək, Talibanın əmri ilə əlaqədar işə gəlməməyi xahiş edib. Bundan əlavə, bəzi məktəbli qızların valideynləri nəşrə bildiriblər ki, onların qızları silahlı Taliban döyüşçüləri tərəfindən məktəblərə buraxılmayıb. Belə ki, Taliban əvvəllər dərsə buraxılan ibtidai sinif şagirdlərinin məktəbə getməsinə qadağa qoyur.
Silahlı radikallar da çərşənbə günü səhər Kabil Universitetinin qapısında peyda olublar: Qəzetin yazdığına görə, onlar qız tələbələrin təhsil müəssisəsinə buraxılmamasına əmin olublar.
Çərşənbə axşamı Ariana News xəbər verib ki, Taliban növbəti xəbərdarlığa qədər qız tələbələr üçün dərslərin dayandırılmasını əmr edib. 1 dekabrda Əfqanıstanın təhsil nazirini əvəz edən şəxs bəyan edib ki, qadınların təhsili Əmir Amanullah (1919-1929-cu illərdə Əfqanıstanı idarə edib) və Padişah Məhəmməd Zahir Şah (1933-1973-cü illərdə hakimiyyətdə olub) tərəfindən ölkəyə gətirilən yad mədəniyyətin bir hissəsidir.
Alpər
