Ermənistan mətbuatı Azərbaycan parlamentinin spikeri Oqtay Əsədovun Moskva səfəri barədə yazı dərc edərək bu səfərin rəsmi İrəvanada narahatlıqla qarşılandığını bildirib.
Avropa.info xəbər verir ki, erməni mətbuatının iddiasına görə, Azərbaycan parlamenti spikerinin Rusiyaya qəflətən səfər etməsi Azərbaycan və Rusiya arasındakı gizli yaxınlaşmanın təzahürüdür.
"Uzun müddətdir ki, Ermənistanın regionda əsas müttəfiqi olan Rusiya Azərbaycana münasibətdə mövqeyində dəyişikliklərə yol verməkdədir. Azərbaycan rəhbərləri də son zamanlar Ermənistana yönəlik hədələr səsləndirərək Qarabağın və ətraf ərazilərin azad olunması üçün Ermənistana vaxt qoyduğu bildirilib. Rusiya hazırda Qafqaz regionunda açıq-aydın oyun oynayır və həmin oyunun qaydalarını da onların özləri müəyyən edirlər. İndi görünən odur ki, Rusiya Ukraynadakı baş verən hadisələrdən , Gömrük İttifaqı layihəsindən sonra bu yeni oyun qaydaları müəyyən etməkdədir. Rusiyanın müəyyən etdiyi yeni oyun qaydaları isə hazırda Qarabağda mövcud status-kvonu dəyişə bilər".
Qaynar.info
