Ermənistanın və "Dağlıq Qarabağ”ın keçmiş "prezidentləri”, eləcə də bütün ermənilərin katolikosu II Qaregin və Kilikiyanın Böyük Evinin katolikosu I Aram arasında görüş keçiriləcək.
Qaynarinfo xəbər verir ki, bu barədə "Hraparak” qəzeti yazır.
Nəşr xatırladır ki, birinci prezident Levon Ter-Petrosyanla katolikos II Qareginin görüşündən sonra "Daşnaksütyun”un ali orqanının üzvü İşxan Saqatelyan görüşün onun təşəbbüsü ilə baş tutduğuna eyham vurmuşdu.
Saqatelyan mövcud vəziyyətdən mümkün çıxış yollarını müzakirə etmək üçün eks-prezidentlərin, katolikosların, nüfuzlu hərbçilərin və ictimai xadimlərin görüşünün keçirilməsini təklif edib.
Nəşrin məlumatına görə, yaxın günlərdə 3+2+2 formatında yeni görüş keçiriləcək. Burada Ermənistan və qondarma "DQR”in keçmiş prezidentləri və iki katolikos iştirak edəcək.
Böyük Kilikiya Evinin katolikosu I Aramın iştirakı ilə bağlı şübhələr var, lakin qalanları razılaşıb.
İclasdan sonra iştirakçıların hakimiyyətə müraciətlə çıxış edəcəyi gözlənilir.
Nizami Bağırov
