Britaniyanın hind əsilli yazıçısı Salman Rüşdiyə Nyu Yorkda edilən silahlı hücumdan sonra onun müəllifi olduğu "Şeytan ayələri” romanı Amazonda ən çox satılan kitab olub.
Qaynarinfo bu barədə "Iranıntl" saytına istinadən xəbər
verir.
Məlumata görə, cümə günü Nyu York Xalq Kitabxanasının pilləkənlərində keçiriləcək mərasimdə yüzlərlə yazıçı da Salman Rüşdinin əsərlərini oxumağa hazırlaşır.
75 yaşlı Salman Rüşdi "Şeytan ayələri” kitabını yazdığına görə illərdir ki, radikal islamçıların qorxusundan yarıgizli həyat sürür. Nəhayət, ötən həftə ABŞ-ın Nyu York şəhərində Hadi Mətar adlı Livan əsilli radikal islamçı gənc tərəfindən bıçaqlanıb. Aldığı zərbədən ağır yaralanan yazıçı xəstəxanaya aparılıb.
M.Arif
