Gürcüstanda prezident seçkiləri ilə bağlı səsvermə başa çatıb.
Qaynarinfo xəbər verir ki, saat 20:00-da bütün seçki məntəqələri bağlanıb.
Xatırladaq ki, bülletenlərdə qeydiyyatdan keçmiş 25 namizədin adı olub. Ancaq buna qədər iki namizəd - Akaki Asatiani və Vaxtanq Qabuniya namizədliyini geri çəkib.
Bu seçkilər dövlət başçısının sonuncu birbaşa seçimi olacaq. Prezident 6 il müddətinə seçiləcək.
Ekspertlərin qiymətləndirməsinə və sosioloji sorğuların nəticələrinə əsasən, əsas mübarizə üç namizəd - keçmiş xarici işlər naziri Salome Zurabişvili, "Güc və Birlik" müxalifət blokunun namizədi Qriqol Vaşadze və Avropa Gürcüstanı Partiyasının namizədi David Bakradze arasında gedəcək.
***09.24
Bu gün Gürcüstanda prezident seçkiləri keçirilir.
Qaynarinfo xəbər verir ki, seçki bülletenində 25 namizədin adı yer alıb. Akaki Asatiani və Vaxtanq Qabuniya isə namizədliyini geri çəkib. Əsas mübarizənin Salome Zurabişvili, "Güc və Birlik" müxalifət blokunun namizədi Qriqol Vaşadze və Avropa Gürcüstanı Partiyasının namizədi David Bakradze arasında baş tutacağı proqnozlaşdırılır. Dövlət başçısı 6 il müddətinə təyin ediləcək.
Azərbaycanın Gürcüstanda yerləşən səfirliyində 3 seçki məntəqəsi yaradılıb.
Gülşən
