Grand Theft Auto V kodunun sızması Rockstar Games-ə heyrətamiz zərbə vurub və studiyaya ciddi itkilər yaşadıb. Halbuki, işin arxasında duranlar buna inanılmaz cüzi məbləğ xərcləyiblər.
Qaynarinfo
xəbər verir ki, son bir neçə gün ərzində xakerlik nəticəsində Rockstar Games tərtibatçısından oğurlanan xeyli miqdarda məlumat internetə sızıb. Eyni zamanda, hakerlərin əslində oğurlanmış fayllardan müəyyən qədər pul qazandıqları ortaya çıxıb.
Insider Gaming-in məlumatına görə, əfsanəvi GTA V-nin mənbə kodunun inanılmaz dərəcədə aşağı qiymətə - 2000 dollara satıldığı ortaya çıxıb. Daha sonra onu 6000 dollara satmağa çalışan mod yaradıcıları tərəfindən satın alınıb. Qazanc əldə edə bilməyəndə qrup sadəcə olaraq onu dərc etmək qərarına gəlib.
NV Techno yazıb ki, keçən il hakerlər tərəfindən oğurlanan GTA V kodunun fraqmentləri internetdə dolaşmağa başlayıb. Və bu həftə oyun kodu növbəti GTA VI-nın Python kodu və ləğv edilmiş Bully 2 oyununun bütün faylları ilə birlikdə, internetdə dərc olunub. Nəşr Rockstar üçün ciddi zərbə olub. Sızma texniki problemlərə və hətta seriyanın gələcək oyunları üçün gecikmələrə səbəb ola bilər.
Keçən il Rockstar 18 yaşlı haker Aron Kurtajın hücumuna məruz qalıb və o, yeni GTA VI oyunu ilə bağlı onlarla videonu oğurlayıb yayımlaya bilib. Bu kibercinayətkar digər iri şirkətlərə də silsilə hücumlarda iştirak edir. Bu ay o, həbsxana xəstəxanasında ömürlük həbs cəzasına məhkum edilib.
Alpər
