Ukraynanın Mariupol şəhərində hərbi hissəyə hücum edən separatçılardan 3-ü öldürülüb, 13-ü yaralanıb, 63 nəfəri isə saxlanılıb.
Avropa.info Ukrayna mətbuatına istinadən xəbər verir ki, bu barədə daxili işlər naziri Arsen Avakov bildirib.
Onun sözlərinə görə, hərbi hissəyə hücum edən 300-dək separatçıya qarşı cavab olaraq milli qvardiya Daxili İşlər Nazirliyi ilə birgə əməliyyat keçirilib.
Əməliyyat zamanı hərbi hissəni zəbt edənlər milli qvardiyanın əməkdaşlarına müqavimət göstərərək, atəş açıblar. Onlara xəbərdarlıq edilməsinə baxmayaraq, separatçılar buna əhəmiyyət verməyiblər. Bundan sonra cavab atəşi açılıb.
Mariupol şəhərinin bütün polis qüvvələri həyacan siqnalı ilə qaldırılıb və əməliyyata cəlb edilib. Silahlı dəstəni tamailə tərksilah edilməsi istiqamətində aparılan əməliyyat şəhərdə hələ də davm etdirilir. Polis hərbi dəstənin bir qrupunu tərksilah edilməsi istiqmətində izləmə işləri aparmaqla məşğuldur. Şəhər küçələrində isə polis patrul xidməti çəkir.
Əməliyyat nəticəsində separatçılardan çoxsaylı silah, Rusiya mobil operatorları olan mobil telefonlar götürülüb. Hazırda hücumçuların şəxsiyyətinin müəyyənləşdirilməsi istiqamətində iş gedir.
Qaynar.info
