Hindistanda güclü yağışlar davam edir: 64 nəfər öldü

Hindistanın Uttar Pradeş əyalətində davam edən güclü yağışlar fəlakətə səbəb olub.

Qaynarinfo xarici KİV-ə istinadən xəbər verir ki, 3 gündür davam edən yağışlar 64 nəfərin ölümünə, 54 nəfərin isə yaralanmasına səbəb olub. Bölgədə 385 evə zərər dəyib, 28 heyvan tələf olub. 

Qeyd edək ki, Hindistanda 1 iyundan bəri davam edən yağıntılarda 500-dən çox insan dünyasını dəyişib.