Hindistanın şimalında törədilən terror aktı nəticəsində azı 1 nəfər ölüb, daha 20 nəfər yaralanıb.
"Report” bu barədə NDTV telekanalına istinadən xəbər verir.
Məlumata görə, hadisə Cammu və Kəşmirin paytaxtı Şrinaqarda qeydə alınıb. Naməlum terrorçular insanların sıx olduğu bazarda bir qrup polis və hərbçiyə qumbara atıblar. Yaralılar xəstəxanaya çatdırılıb.
Polis zabiti Rakeş Balvalın sözlərinə görə, terror aktı zamanı 71 yaşlı kişi öldürülüb: "Yaralılardan daha bir nəfərin - gənc qadının vəziyyəti ağırdır".
Hadisəyə görə məsuliyyəti hələ heç bir qruplaşma üzərinə götürməyib.
<iframe allow="autoplay; fullscreen" src="https://www.ndtv.com/video/embed-player/?site=classic&id=623220&autostart=false&autoplay=0&pWidth=420&pHeight=315&category=embed" width="420" height="315" frameborder="0" scrolling="no" allowfullscreen="true" webkitallowfullscreen="true" mozallowfullscreen="true">
