ABŞ
prezidenti Donald Trampa tanrı kimi ibadət edən hindli fermer Bassa Krişna həyatının
ən yaxşı çağında ölüb.
Qaynarinfo
xəbər verir ki, "The New York Times” qəzetinin yazdığına görə, bu kədərli sonluğa
Telingana sakininin öz kumirindən ötrü həddən artıq narahatlıq keçirməsi səbəb
olub. Hindistanlı öz "tanrısının" COVID-19-a yoluxduğunu öyrəndikdən
sonra yeməkdən imtina edib və depressiyaya düşüb. Bununla belə, Bassa Krişna aclıqdan
yox, ürək tutmasından ölüb. Bu haqda ailəsi bildirib.
"Krişnanın
ölümünün aclıq etməsiylə bağlı olduğuna dair heç bir dəlil yoxdur", - nəşr
vurğulayır. Məqalədə qeyd olunur ki, 40 yaşın altında olan kişi "hamını"
Trampın sağlamlığı üçün dua etməyə çağırıb.
Öz həyətində
Trampın şərəfinə məbəd tikdirən fermer bütün ölkədə məşhurlaşıb. Krişna öz müqəddəs
məbədində Amerika liderinin heykəlini quraşdırıb və hinduizmin tələblərinə
uyğun olaraq ona qurbanlar kəsib.
Donald
Trampın Hindistandakı dəstəyi seçildikdən dərhal sonra 16% olduğu halda, indi
56%-dir.
Alpər
