Hollandiya Türkiyədəki səfirini geri çağırdı

Hollandiya xarici işlər nazirliyi Türkiyə səfirini rəsmi olaraq geri çağırıb.

Qaynarinfo xarici mediaya istinadən xəbər verir ki, nazirlik həmçinin Türkiyənin Hollandiyaya səfirlik təyinatının qəbul edilməyəcəyini bildirib.

Qeyd edək ki, mart ayında türk nazirlərin Hollandiyada keçiriləcək iclasına icazə verilməmiş, nəticədə iki ölkə arasında gərginlik yaşanmışdı. Hadisədən sonra Hollandiyanın Ankaradakı səfirinin ölkəyə buraxılmayacağı bildirilmişdi.