Sverdlovsk
vilayətinin Karpinsk şəhər sakini yeni doğulmuş körpəsini altı ay şkafda saxlayıb.
İndi qızın vəziyyəti ağırdır.
Qaynarinfo-nun
E1.ru-ya istinadla verdiyi məlumata görə, 37 yaşlı qadın ilin əvvəlində ərindən
ayrılıb və 13 yaşlı oğlu, üç yaşlı qızı ilə yaşayıb. Hamiləlik üçün qeydiyyata
alınmayıb və üçüncü uşağını evdə dünyaya gətirib, tanışlarına isə onun öldüyünü
deyib.
Böyük
oğul bacısını anasından gizlicə yedizdirib, amma onun haqqında heç kimə bir şey
deməyib. Ortancıl qız uşaq bağçasında evlərində "adam kimi canlı kukla” olduğunu
deyib, ancaq müəllimlər buna əhəmiyyət verməyiblər. Nəticədə körpəni təsadüfən qadının
evə qonaq gələn dostları tapıb. Qızı götürüb polisə aparıblar. Eyni zamanda,
qadının bu hərəkəti onları təəccübləndirib, çünki "özünü kifayət qədər normal
aparır, işləyir, uşaqları da səliqəli görünürmüşlər". Ailə ilə bağlı heç
bir şikayət olmayıb, ana qeydiyyata alınmayıb.
Yoxlamadan
sonra məlum olub ki, evdə uşaq qidası, yeni doğulmuş körpələr üçün paltar və
gigiyena məhsulları yoxdur.
Bölgə
Daxili İşlər Nazirliyinin verdiyi məlumata görə, anaya qarşı "Yetkinlik yaşına
çatmayan uşağın tərbiyə olunması vəzifələrinin yerinə yetirilməməsi” ilə bağlı
cinayət işi açılıb.
Alpər
