İranda 23 millət vəkilinin koronavirus testi müsbət çıxıb.
Qaynarinfo xarici mətbuata istinadən xəbər verir ki, bu barədə parlamentin sədr müavini açıqlama verib. Rəsmi məlumatlara görə isə İranda Kovid-19-dan ölənlərin sayı 66 nəfərə çatıb. 1501 nəfər isə infeksiya daşıyıcısıdır.
Xatırladaq ki, bundan əvvəl də İran səhiyyə nazirinin müavini İrəç Hərirçi, vitse-prezident Məsumə Ebtekar və sabiq ədliyyə naziri Mustafa Purməhəmmədi də koronavirusa yoluxub. Ölkənin Vatikandakı keçmiş səfiri Hadi Xosrovşahi və İran Məsləhət Şurasının üzvü Seyid Məhəmməd Mirməhəmmədi isə koronavirusdan ölüb.
Camal
