İrəvanın mərkəzində Ermənistanın baş naziri Nikol Paşinyanın istefası tələbiylə təşkil olunan mitinqdə tutulan 20 nəfərin hamısı hərbi vəziyyəti pozduğuna görə cərimələnəcək.
Qaynarinfo xəbər verir ki, bu barədə News.am yazıb. Dağlıq Qarabağdakı münaqişənin kəskinləşməsi səbəbindən ölkədə səfərbərlik elan edilib və sülh müqaviləsinin imzalanmasına baxmayaraq, xüsusi rejim fəaliyyətini hələ də davam etdirir, - sayt qeyd edib.
RBK-nın məlumatına görə, etirazçılar "Rus sülhməramlılarını gətirən təyyarələrin eniş zümzüməsi altında" öz tələblərini dilə gətiriblər. Dünən RF Müdafiə Nazirliyinin hərbi heyəti ilə daha iki İl-76 təyyarəsi Qarabağa yola düşüb.
Ermənilər ikinci gündür ki, "Qarabağın bir hissəsini Azərbaycana təslim etmiş” Paşinyana "Vətən xaini" deyə müraciət edirlər. Ermənistanın paytaxtında təhlükəsizlik tədbirləri gücləndirilib. Beləliklə, sakinlər parlamentin qapılarının işçilər tərəfindən qaynaqlandığını görüblər. Eyni zamanda, parlament özü etirazçıları qapılara zərər verməkdə günahlandırır və girişin gücləndirilməsini təcili təmirə ehtiyacla izah edirlər.
Alpər
