Çernobıl Atom Elektrik Stansiyasını və Slavutiç şəhərini qidalandıran xətt Ukrenerqonun təmir briqadası tərəfindən təmir etdikdən sonra işğalçılar onu yenidən zədələyib.
Qaynarinfo xəbər verir ki, bu barədə "Ukrenerqo”nun mətbuat xidməti Facebook səhifəsində məlumat yayıb.
"Çernobıl AES-i və Slavutiç şəhərini qidalandıran xətt "Ukrenerqo”nun briqadası tərəfindən təmir edildikdən sonra işğalçılar onu yenidən zədələyib”, - məlumatda deyilir.
Dünən "Ukrenerqo”nun təmir komandası Çernobıl AES-i və Slavutiç şəhərini qidalandıran yüksək gərginlikli elektrik xəttini təmir edib. Saat 19:07-də xəttə enerji verilib və Çernobıl Atom Elektrik Stansiyasının və Slavutiç şəhərinin infrastrukturunun enerji təchizatının bərpasına başlanılıb. Lakin bu işləri başa çatdırmaq mümkün olmayıb, çünki işğalçılar tezliklə xətti yenidən zədələyiblər, - mətbuat xidməti qeyd edir.
"Ukrenerqo" NPC-nin təmir qrupu Çernobıl Atom Elektrik Stansiyasının yaxınlığındakı işğal edilmiş əraziyə yenidən getməyə, yeni zərərləri axtarıb aradan qaldırmağa məcburdur.
"Ukrenerqo” qeyd edir ki, Çernobıl AES-i etibarlı enerji təchizatı olmadan qala bilməyən mühüm obyektdir. Həmçinin, Slavutiç şəhərinin sakinlərinin enerji təchizatı AES-i qidalandıran xəttdən asılıdır.
Ukrenerqonun təmir qruplarının yoxlama və təmir üçün bu xəttə maneəsiz və sürətli çıxışı təkcə ukraynalı istehlakçılar üçün deyil, həm də bütövlükdə Avropa üçün son dərəcə vacibdir. Axı bu, Çernobıl AES-də növbəti fəlakətin qarşısını almağa və onun qurbanı ola biləcək insanların həyatını və sağlamlığını xilas etməyə kömək edəcək.
UNİAN-ın daha əvvəl xəbər verdiyi kimi, martın 14-də səhər saatlarında Ukraynada atışma nəticəsində mindən çox yaşayış məntəqəsi işıqsız qalıb.
Saat 09:30-a olan məlumata görə, Enerqoatom Ukraynanın fəaliyyətdə olan atom elektrik stansiyalarının stabil işləməsini davam etdirir.
Alpər
