İstefa verdi, Böyük Britaniyadan sığınacaq istədi (YENİLƏNİB)

Qaynarinfo xəbər verir ki, bu barədə xarici KİV məlumat yayıb.

Bildirilib ki, Şeyx Hasina Böyük Britaniya vətəndaşlığı olan bacısı ilə Hindistandadır.

 

Qaynarinfo xəbər verir ki, bu barədə Prothom Alo Daily məlumat yayıb.

AFP Şeyx Hasinaya yaxın mənbəyə istinadən xəbər verir ki, o, bacısı ilə birlikdə daha təhlükəsiz yerə sığınmaq üçün Dəkkədəki iqamətgahını tərk edib.

"Reuters” respublikanın Nyu-Dehlidəki səfirliyinə istinadən məlumat yayıb ki, Şeyx Hasina istefa verib.

Banqladeş ordusundakı agentlik mənbəsinin məlumatına görə, Hasina kütləvi etirazlar fonunda ölkəni tərk edib. O qeyd edib ki, baş nazir və onun bacısı paytaxt Dəkkədəki rəsmi iqamətgahı tərk edərək daha təhlükəsiz yerə gediblər.

Banqladeşdə etirazlar 2024-cü ilin iyun ayında tələbələrin məşğulluq kvotalarına etirazlarından sonra başlayıb və mübahisəli kvotaların ləğv edilməsinə baxmayaraq, bu günə qədər davam edir. Etirazçılarla döyüşmək üçün ordu cəlb edilib.

Bundan əvvəl, 2023-cü ilin noyabrında Banqladeşdə toxuculuq sənayesində maaşların aşağı olması səbəbindən kütləvi etirazlar başlayıb - toxuculuq işçiləri maaşlarının ölkə üzrə orta səviyyədən bir qədər aşağı səviyyəyə - ayda 200 dollardan yuxarı qaldırılmasını tələb ediblər. Eyni zamanda, hakimiyyət onları yalnız 50%, yəni 116 dollara qaldırmağa hazır olduqlarını elan edib ki, bu da etirazçıların narazılığına səbəb olub. Şiddətli etirazlar fonunda ölkədəki 4500 tikiş fabrikindən 150-dən 300-ə qədəri bağlanıb və bu, qlobal tekstil bazarına təsir edib.