Nevada ştatının keçmiş prokuroru və baş prokuroru, demokrat senator Kətrin Kortes Masto baş prokuror vəzifəsini yerinə yetirən respublikaçı Adam Laksaltı məğlub edib.
Qaynarinfo "İnterfaks”a istinadla xəbər verir ki, bu, NBC, CNN, ABC və digər Amerika KİV-lərinin hesablamalarından çıxan
nəticədir.
NBC-nin məlumatına görə, Kortes Masto səslərin 96%-ni hesabladıqdan sonra Respublikaçılar Partiyasından olan rəqibi Adam Laksaltı 0,5 faiz üstələyib və 48,2 faiz səsə qarşı 48,7 faiz səs toplayıb. İki namizəd arasındakı fərq cəmi 4982 səsdir.
Yekun nəticələr daha sonra elan ediləcək, lakin mövcud təcrübəyə əsasən, səsvermənin nəticəsi artıq dəyişdirilə bilməyəndə ABŞ-ın əsas mediası qalibi elan edir.
Beləliklə, Demokratlar Partiyası Senatda 50 yer, Respublikaçılar partiyası 49 yer alır.
Senatda daha bir yerin taleyi dekabrda Corciya ştatında seçkilərin ikinci turunun nəticələrinə əsasən müəyyənləşəcək. Lakin bu səsvermənin nəticələri indi yalnız demokratların Senatda öz çoxluğunu gücləndirib-gücləndirməyəcəyindən və ya yuxarı palatada qüvvələrin sıralanmasının dəyişməz qalıb-qalmayacağından asılı olacaq. Hər iki partiyadan bərabər sayda senator seçilmiş olarsa, ABŞ-ın vitse-prezidenti Kamala Harrisin səsvermə hüququ var. Ki, o da Demokratları təmsil edir. Beləliklə, demokratlar qarşıdakı iki il ərzində Senatda çoxluğu qoruyub saxlayacaqlar.
Alpər
