Amerikalı milyarder İlon Maskın gizli, on birinci övladı var. Anası kanadalı müğənni Qraymsdır.
Qaynarinfo xəbər verir ki, kütləvi informasiya vasitələri Maskın hələ dərc edilməmiş tərcümeyi-halına istinad edərək, oğlanın adının Texno Mexanius, ləqəbininsə Tau olduğunu qeyd edir. Uşağın yaşı açıqlanmayıb.
İddia olunur ki, bu, İlon Mask və kanadalı müğənni Qremsin üçüncü övladıdır - cütlüyün daha bir oğlu və bir qızı var.
Ümumilikdə, İlon Maskın üç fərqli qadından 11 bioloji övladı olduğu güman edilir: yazıçı Castin Uilsondan - əkizlər Qriffin və Xavier və üçəmlər Damian, Sakson və Kay, Qrayms ilə evlilikdən - oğlu Eks Eş Ey-Tvelv və qızı Ekza Dark Sayderil. Bundan əlavə, 2022-ci ilin iyul ayında Tesla-nın top-menecerlərindən biri Şivon Zilisdən də qeyri-qanuni əkizlərinin olması haqqında məlumat yayılıb.
İlon Mask və Qrayms 2018-ci ildə görüşməyə başlayıb, 2021-ci ildə cütlük ayrıldıqlarını elan edib.
Alpər
