"Beyaz TV"də yayımlanan "Söylemezsem olmaz" proqramının şərhçisi müğənni Nihat Doğan aktrisa Berna Laçin haqqında şok iddia irəli sürüb.
"Qafqazinfo" xəbər verir ki, müğənni çevirilişə cəhdən sonra vətəndaşlara evlərində oturmalarını məsləhət görən aktrisanı terrorçularla əməkdaşlıq etdiyini bildirib.
"Berna Laçin kimdir? Soncuncu dəfə hansı filmə çəkilib? Çəkildiyi həmin filmi neçə nəfər izləyib? Bu qadının filmini, serialını xatırlayan varmı? Ortaya nə qoyub? Ancaq illərdir ki, həmin qadın həmişə ekranda olub. Xalqın dürüstlüğünə inandığı şəxslərlə reklam çəkərsən.
Berna Laçinin nə üçün həmişə reklam çəkilir, ona həmişə pul verilir? Bunun səbəbi isə gizli təşkilatların özlərinə dəstək verənlərin arxasında dayanmasıdır. Həmin şəxslər çox kritik əməliyyat nöqtəsi zamanı təşkilat tərəfindən istifadə olunur".
