Ankara şəhərində meydana gələn qanlı terror aktında həyatını itirən “Qalatasaray” futbol klubunun üzvü Umud Buludun atası dəfn edilib.
Musavat.com-un məlumatına görə, futbolçunun atası məmləkəti Kayseridə torpağa tapşırılıb.
Məlumata görə, yas mərasiminə bütün komanda yoldaşları, Fatih Terim, "Qalatasaray" klubunun rəhbəri Dursun Özbək, klubunun keçmiş idarə heyətinin üzvü Əbdülrəhman Albayrak, Mustafa Dənizli və Həmzə Həmzəoğlu iştirak ediblər.
Xəbər verilir ki, cənazə mərasimində Umud Bulud göz yaşlarını saxlaya bilməyib.
