Şimali Kipr Türk Cümhuriyyətinin baş naziri Hüseyn Özgürgünün sevgilisi model İnci Parsın 5 aylıq hamilə olduğu iddia edilib.
Qaynarinfo xarici mediaya istinadən xəbər verir ki, Hüseyn Özgürgün 3 il öncə Ankarada evləndiyi turizm nazirliyinin mədəniyyət şöbəsinin rəhbəri vəkil Dilək Özgürgündən boşanmaq üçün məhkəməyə müraciət edib. Dilək Özgürgün isə baş nazirin mühafizəçiləri tərəfindən 2 dəfə evdən qoculduğunu bildirərək 2,5 milyon türk lirəsi dəyərində təzminat tələb edir.
Xanım Özgürgünün vəkili Boysan Boyra Hüseyn Özgürgünün İnci Parsla münasibəti olduğunu, sevgilisinə 3 mərtəbəli, 5 milyon türk lirəsi dəyərində ev aldığını bildirib.
Qeyd edək ki, boşanma prosesi təxirə salınandan sonra İnci Parsın 5 aylıq hamilə olması barədə iddia irəli sürülüb və Dilək Özgürgünün bu faktdan məhkəmədə istifadə edəcəyi bildirilir.
