ABŞ-ın keçmiş prezidentlərini qoruyan ölkənin Məxfi Xidməti keçmiş prezident Donald Trampın istintaq təcridxanasına salınacağı təqdirdə necə işləyəcəklərinə dair plan hazırlayır. Məlumata görə, xüsusi xidmət orqanın əməkdaşları artıq bu mövzuda bir neçə görüş keçiriblər.
Qaynarinfo xəbər verir ki, bu barədə ABC telekanalı mənbələrə istinadən məlumat
yayıb.
Məxfi Xidmət hakimin eks-prezidenti məhkəmə binasındakı saxlama kamerasına yerləşdirəcəyinə inanmır, lakin onlar "gözlənilməz hallar zamanı” tədbirlər planlaşdırırlar. Aydınlaşdırılır ki, Trampın təqsirli bilinərək həbs cəzasına məhkum ediləcəyi təqdirdə nə edəcəyi hələ müzakirə olunmayıb.
Nizami Bağırov
