Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Microsoft “Skayp”ı mayda bağlaya bilər, istifadəçilər "Teams"a çağırılır
İllərdir davam edən spekulyasiyalar və "Skype"ın tədrici geriləməsindən sonra "Microsoft" nəhayət onu bağlamağa hazır görünür.
Qaynarinfo xəbər verir ki, XDA Developers portalının məlumatına görə, Windows üçün sınaq versiyasının kodunda artıq "Skype"ın may ayında bağlanacağı ilə bağlı bildiriş var: "May ayından etibarən "Skype" artıq əlçatan olmayacaq. Zəngləri və çatları "Teams" vasitəsilə davam etdirin".
2003-cü ildə istifadəyə verilən "Skype" bir zamanlar səsli və videozənglər üçün əsas platforma idi. "Microsoft" 2011-ci ildə onu 8,5 milyard dollara satın aldı və servisi öz kommunikasiyalar ekosisteminin əsas hissəsinə çevirməyə çalışdı. Lakin "Apple FaceTime", "Google"un müxtəlif əlaqə xidmətləri və "Slack" kimi rəqiblərlə rəqabət səbəbindən "Skype"ın populyarlığı azalmağa başladı.
"Microsoft"un "Skype" ilə bağlı strategiyası ardıcıl olmayıb. Şirkət onu satın aldıqdan sonra "Windows Live Messenger"i "Skype" xeyrinə bağladı. 2015-ci ildə "Skype"ı "Windows 10"a birləşdirməyə çalışdı, lakin doqquz ay sonra bu qərardan imtina etdi. 2016-cı ildə "Windows 10" üçün "Skype"ın UWP versiyasını təqdim etdi, lakin daha sonra yenidən Win32 tətbiqinə qayıtdı.
2017-ci ildə "Microsoft" "Teams"i istifadəyə verdi. "Skype" texnologiyasına əsaslanan bu platforma "Slack" ilə rəqabət aparmaq məqsədilə yaradılmışdı. O vaxtdan bəri Teams şirkətin prioritetinə çevrildi və biznes, təhsil və fərdi istifadə sahələrində geniş yayıldı.
"Skype"ın bağlanacağının ilk işarələri daha əvvəl də görsənirdi. 2021-ci ildə "Windows 11" buraxıldıqda, sistemdə "Teams"in inteqrasiyası vardı və bu, "Microsoft"un resurslarını başqa platformanın inkişafına yönəltdiyini göstərirdi. Bir çoxları "Skype"ın bağlanacağını artıq 2021-ci ildə gözləyirdi, çünki həmin il "Skype for Business" ləğv edilmişdi.
"Microsoft" hələlik bu qərarla bağlı rəsmi açıqlama verməsə də, çox güman ki, 2025-ci ilin may ayı "Skype"ın 20 illik tarixinin sonu olacaq.
Alpər
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər